Dáiddadállu almmuha ođđa neahttasiiddu ja visuella profiilla!
Stuora iluin almmuhit min ođđa neahttasiiddu ja nu addit min earenoamaš čeahpes dáiddárguimmiide buoremus ovdanbuktima Dáiddadálu bokte máilbmái.
Buori mielain beassat maid dál juogadit min ođđa visuella profiilla ja DD-bálvalusaid maid mii sávvat fitnodagat, organisašuvnnat, institušuvnnat ja earát háliidit diŋgot ovddasguvlui. Juohke háve go diŋgot DD-bálvalusa de leat melde doarjume Sámi dáidaga ja Sámi dáiddáriid. Ođđa visuella profiila ja neahttasiidu oktan sisdoaluin lea oassin Dáiddadálu golmma jagi prošeavttas: N2 - Buvttaovdanahttin ja ruđalaš ođasmahttin sámi dáidagis. Prošeavtta ulbmil lea álggahit ja ovdanahttit guoddevaš systemaid Dáiddadálus vai nagodit čuovvolit dan earenoamaš stuora beroštumi sámi dáidagii, min dáiddárguimmiide, Dáiddadállui ja sámi servodahkii.
Prošeavtta bokte leat ovdanáhtten ja profešonaliseren bálvalusaid masa lea stuora beroštupmi ja mii dagaha eanet fuomášumi ja gánnihahttivuođa min dáiddárguimmiide. Anja Graven House of Sápmi bokte lea N2 ja neahttasiiddu prošeaktajođiheaddji ja lea ovttasbargan Dáiddadálu hálddahusain. Sámi jurddašanvuohki ja sámi árvut leat vuođđun olles prošeavttas. Ráđđadallamiid bokte leat ásahan gelddolaš ja guoddevaš čovdosiid, ja mii doaivut ja sávvat ahte buktá buoremusá midjiide.
Stuora giitosat N2 prográmmii Troms og Finnmark fylkekommune, Kulturdepartementet, Ovddos, ja Hermetikken ruhtadeami ja ovttasbarggu ovddas.
Per Heimly govaid ovddas
Feed go lea ráhkadan min visuella profiilla ja neahttasiiddu
Min čeahpes dáiddárguoimmit
N2- prošeavtta resurssajoavkku
