Dáiddadállu 10 jagi
Dáiddadállu lea ásaheami rájes 2014:s šaddan guovddášsadjin Sámi dálááiggedáidaga ja báikkálaš, guvllolaš, sisriikkalaš ja riikkaidgaskasaš fágabirrasiid ja gehččiid gaskkas. 2024:s ávvuda Dáiddadállu 10 jagi ja dál iluin ovdanbuktit áibbas ođđa dáidagiid ja buvttademiid DD10 jagi ávvudeami oktavuođas!
«Mii beassat viimmat dál čájehit min nana čeahpes dáiddáriid, dainna stuora bargguin ahte čiŋahit almmolašlanjaid ruovttubáikkis Guovdageainnus sin dáidagiiguin. Dát govvida juoidá maid mii maiddái ovdanbuktit máilmmis: aktiivvalaš, profešonealla, sámi dáiddárat ja ealli dáiddárservodat.»
Min fágarasttideaddji fierpmádat movttiidahttá min dáiddáriid ođđa šaŋŋerrasttideaddji mielbuvttademiide, go hástalit iežaset ja dáiddárvuođaset deaivvadettiin guhtet guimmiideasetguin.
Dáiddadállu lea álggu rájes leamaš bidjan mihtu leat geasuheaddji arena hutkkálaš ja profešonealla, sámi dáiddáriidda. Sii galget movttiidahttojuvvot ja ovddiduvvot sihke šáŋŋeriin ja rájárasttideaddji proseassain, mat speadjalastet dáiddáriid dáhtu geahččaladdat ja sirdit kreatiivvalaš rájáid nationála ja riikkaidgaskasaš márkaniidda. Dát lea ge man ovddas mii Dáiddadálus leat bargan garrasit máŋggaid jagiid: Čalmmustahttit, fasiliteret ja velá leat lágideaddjin ja viimmat lea ávvujahki ja mii leat gergosat čájehit áibbas ođđa dáidagiid ja buvttademiid!
«Mii ávvudit 10 jagi dán jagi, ja dieđusge jurddašat stuorrát! Mii leat ilus go mis lea čeahpes prošeaktajođiheaddji ja koreográfa Alexandra Wingate mielde joavkkus. Dát prošeakta lea hui stuoris, go jurddaša earret eará man oallugat min dáiddárguimmiiguin leat mielde buvttadeamis. Dasa lassin lea mis lagas ovttasbargu báikkálaš ja olggobeale aktevrraiguin. Dál leat máŋga báikkálaš olbmo ovttasbargan oažžun dihte Guovdageainnu njunuš, sámi mátkkoštanbáikin. Báiki gos leat nana ja duođalaš deaivvadeamit olbmuiguin, luondduin ja kultuvrrain, ja mii leat rámis go beassat leat nana oasálaččat proseassas.»
Prošeaktajođiheaddji Alexandra Wingate ja beaivválaš jođiheaddji Dine Arnannguaq Fenger Lynge.
Visuealla dáiddáriiguin, musihkkáriiguin, dánsáriiguin, koreográfaiguin, čálliiguin, lávdehábmejeddjiiguin, designejeddjiiguin, bagadalliiguin, neavttáriiguin ja juigiiguin leat mii ovdánahttán ođđa almmolaš dáidagiid Guovdageidnui ja maiddái ođđa buvttademiid. Dál Dáiddadálu 10 jagi ávvudeami oktavuođas mii deavdit čájáhusbáikkiid ja lávddiid min buvttademiiguin sihke báikkálaš, nášunálalaš ja internášuná dásis.
Bures boahtin searvat min ávvudeapmái ja vuosttaščájálmassii Beassášmárkaniin gos mii fállat áibbas ođđa dáidagiid ja buvttademiid! Ávvudeamit joatkašuvvet 2024 giđa, geasi ja čavčča. Dáiddadállu fállá viidáseappot dáiddačájáhusa ja ávvuprodukšuvnna Sámi Dáiddaguovddážis, Riddu Riđus, KulturSámis ja Nuuk Davviriikkalaš kulturfestiválas jahkái 2025.
Prošeaktajođiheaddji Alexandra Wingate illuda čájehit ođđa dáidagiid ja buvttademiid.
«Lea leamašan máilmme miellegiddevaš jođihit DD10 jagi ja čuovvut buohkaid bargguid go leat ráhkadan áibbas ođđa dáidagiid ja buvttademiid ávvudeami oktavuođas. Illudan!»
Prográmma:
Gaskavahkku 27.3, dii. 13:00 - 14:00, Gilišillju festiválalávus ja RiddoDuottarMuseas Gilišiljus
Dáiddadállu 10 jagi rahpandoalut
“Guovdageainnu áhkut” čájáhusrahpán ja dáiddárságastallan
Dáiddárságastallan “Guovdageainnu áhkut”
Dáiddadállu 10 jagi joavkočájáhus
Gaskavahkku 27.3, dii. 14:00 - 18:00, RiddoDuottarMuseas Gilišiljus
Tekstiila dáidda, avantgarde čiŋat, báccit, gráfalaš deaddileamit, bálseduojit ja eará
Deaivvat dáddáriiguin dii. 14:00-17:00
Dáiddadállu 10 jagi joavkočájáhus
Duorastaga - lávvordahkii 28.3 - 30.3, dii. 11:00 - 18:00, RiddoDuottarMuseas Gilišiljus
Deaivvat dáiddáriiguin:
Duor 14:00-16:00
Bearj 15:00-17:00
Láv 12:00-14:00 ja 16:00-18:00
Dáiddadállu 10 jagi Dáiddaeahket
Gaskavahkku ja duorastaga, 27.3-28.3, dii. 18:30 - 22:00 (uvssat rahpasit dii. 18:00)
Čajalmasat, konsearta Lávre, dáiddárságastallamat, biebmu ja jugus
Gos: LES - viesus
Bileahtat ja sajit leat ráddjejuvvon. Oaste bileahtaid www.daiddadallu.com neahttasiiddus
Dáiddaeahkeda prográmma:
Performance Art: Suoidnekaboom
Máret Ánne Sara, Anja Saiva B. Bjørnstad, Anitta Katriina Suikkari, Li Taiga and Alexandra Wingate
Performance Art: Guoddi
Ann-Sofie Kallok, Anthoni Hætta, Ánna-Katri Helander, Sebastian Björkman
Konsearta Lávriin
Dáiddaságastallamat Suoidnekaboom & Guoddi ovttas Rawdna Carita Eirain
Biebmu ja jugus lea oassin bileahtas
Oasit eahkedis leat olggobealde
Haddi: 400 NOK bileahtas
Jietna vuoiŋŋat
Bearjadaga 29.3 dii 22-00 Lávvulávdi, Gilišillju
Nuoraidkonsearta Ingá Márjá Sarriin ja Bernt Mikkel Haglundain
Vásit earenoamaš seaguhusa juoigamis, musihkas ja ritmas mii boktá du dánsunmovtta!
Nuvttá bileahtat
Giitosat / tusen takk / thank you
Dáiddadálu dáiddárguoimmit / Dáiddadálu artist partners
KORO
Kulturdirektoráhtta/ Arts and Culture Norway
Guovdageainnu suohkan/Kautokeino municipality
Beaivváš Sámi National Theater
Vásit Guovdageainnu - Destinasjon Sápmi
Guovdageaidnu Gilišilju v/ RiddoDuottarMuseum
Sámi Allaskuvlla
Nuuk Kunstmuseum
Nuuk Nordisk
RidduRiđđu
Sámi Dáiddaguovddáš/Sami Center for Contemporary Art
