Dát oasit, mat leat čiekŋalit čadnon sámi duodjeárbevirrui, sirdásit nana geahččaladdi ovdanbuktinhámiid guvlui. “Guoddi”, davvisámegiela sátni mii mearkkaša muhtin gii guoddá, šaddá dán oktavuođas metafora dánsejeddjiid rollii. Sii guddet rumašosiid mat leat symbolan rámisvuhtii ja nanusvuhtii, muhto maiddái noađi ja deattu mii sáhttá čuovvut eamiálbmotkultuvrra guoddima. Guoddi lea nappo guovddáš oassi dán performánssas, kultuvrralaš identitehta ja historjjá guoddi. Hábmejeaddji ja duojár Ann-Sofie Kallok, dánsárat Ánna-Katri Helander ja Sebastian Björkman ja šuokŋadahkki Anthoni Hætta kreatiivvalaš ovttasbarggu bokte iskojuvvo ođđa ja gelddolaš dáiddalaš eanadat, mas rumašosiid oasit eai dušše váikkut, muhto mearridit eará dáiddahámiid guvlui. Šuokŋadahkki ja dánsejeaddjit geavahit inspirašuvnna elemeanttaid albmoneamis, lihkadeamis ja temperamenttas. Loahppabuktosis ovttastahttojuvvo musihkka ja dánsa dainna lágiin ahte avantgardisttalaš oasit loktejuvvojit fámolaš, hástaleaddji ja máŋggadimenšunála performánsan. Performánssa ii leat dušše dánsun, muhto symbiosa dáiddalaš šlájain mat ovttas dahket erenoamáš ja muitin veara vásáhusa.

Ann-Sofie Kalloka avant-garde duodji lea sihke Guoddi performánssas ja oassin Dáiddadálu 10 jagi čájáhusas.

Visuála dáidda: Ann-Sofie Kallok

Šuokŋadahkki: Anthoni Hætta

Dánsejeaddjit ja koreografiija: Ánna-Katri Helander og Sebastian Björkman

Kostyma: Ann-Sofie Kallok

Vuoidan ja vuovttat: Ina M. Tretnes

Jietna ja čuovga: Tuupa Records Oy

Giitosat gollečeahppái Angelina Clericii ja Linn Fahsing, Esben T. Andersen, Beaivváš Sámi Našunálateáhter, Davvi Division, Hilde Skancke Pedersen, Fredrik Prost, Juhls Silver Gallery

Dorjon: Dáiddadállu, Dáiddafoanda, Kulturdirektoráhtta, Konstnärsnämnden ja Nordisk kulturkontakt. 

work-in-progress, Govva: DD.