Vásáhusat, muitalusat ja min dáiddáriid erenoamáš duogážat leatge vuolggasadjin min ođđa ráidui; “Dáiddadállu Stories”. Mii leat filbmegoahtán ja bargame “Dáiddadállu Stories” ráidduin ja dáid oanehis filmmažiid bokte beasat oahpásnuvvat buorebut min ovttaskas dáiddáriidda, ja midjiide.

Dávjá jerrojuvvo juogo min gussiin dahje olbmuin geaid deaivat, ahte mii lea Dáiddadállu? Geat dáppe leat ja maid mii bargat. Filbma ráiddus boahtáge maid filmmaš min dálu ja dáiddárkollektiiva birra, geat dat leat vuolggahan Dáiddadálu ja manin, mainna mii bargat ja makkár boahtteáigi mis lea vuordimis. Dát filmmaš leage várra dat man mii eanemusat illudit juohkit Dáiddadállu Stories ráiddus!

“Dáiddadállu Stories” lea oassin min visualiseren prošeavttas mainna leat bargan olles guokte jagi das rájes go čálligođiimet ohcamušaid ja dássážii go gárvves filmmaid beassat čájehit. Dát prošeakta lea maid máŋgga ládje Dáiddadálus Dáiddadállui; filmmaid hábmeba ja ovdánahtiiba dáiddadálohas guovttos Lisa Marie Kristensen ja Per Josef Idivuoma.

Lisa Marie Kristensen lea bargan SVT Sámis ja eará prošeavttaiguin iežas buvttadanfitnodaga čađa. Son lea leamaš sisdoallobuvttadeaddjin máŋgga stuorit TV ráidui nugo beakkálmasaide “Sápmi Sessions” ja “Smaker fra Sápmi”. Lisas lea maid iežas podcasta ráidu “Gáfestallan Lisain” mas humada áigeguovdilis olbmuiguin eallima manuid birra.

Per Josef Idivuoma lea fas okta min multidáiddáriin; son lea vokalista Mollet nammasaš bandas, grafihkka hábmejeaddji, ja maiddái bagadalli ja filbmejeaddji. Son lea earret eará buvttadan ja bagadallan “Boom Boom” (2018), “Ellos Sápmi” (2015) ja “Lappdjävel” (2010).

Prosjektet gjøres av og med kunstnere fra Dáiddadállu. Kollektivet har engasjert medlemmene Lisa Marie Kristensen og Per Josef Idivuoma til å stå for regissering, filming og klipping.

Lisa Marie Kristensen har jobbet i SVT Sápmi og ellers med egne prosjekter iproduksjonsselskapet Forest People AS. Hun har også vært innslagsprodusent i mange store samiske TV-serier, som for eksempel “Sápmi Sessions” og “Smaker fra Sápmi”. Lisa er også aktuell med sin egen podcast serie “Gáfestallan Lisain”.

Per Josef Idivuoma er en av våre multikunstnere; han er vokalist i bandet “Mollet”, grafisk designer og filmprodusent og kreatør. Han har blant annet produsert og regissert “Boom Boom” (2018), “Ellos Sápmi” (2015) og “Lappdjävel” (2010).

Vaikko dát prošeakta ja filmmat eai leat vel almmuhuvvon de leat mii čájehan moadde filmmaža juo unnit ja stuorát oktavuođain, ovtta filmma mii čájeheimmet ee. Gironis “Kultur Sápmi” nammasaš deaivvadeamis. Geahččit čájehedje stuora beroštumi dáidde filmmaide ja ođđa ovttasbarggut ge vulge johtui.

Mii nu illudit čájehit máilbmái dáid filmmaid go min dálus leat nu máŋggat čeahpes dáiddárat ja lea áigi čájehit ja loktet ovdan makkár čehppodat sis lea. Leat maiddái erenoamáš rámis go sáhttit čađahit dákkáraš prošeavttaid iežamet miellahttuiguin, sin alla fágalašmáhtuin, ja illudit “Dáiddadállu stories” ráiddu almmuheapmái!

Dáiddadállu stories lea oassi min visualiseren prošeavttas man ruhtadeaddjit leat:

– Kulturráđđi (eambbo doarjjaortnega ja maid min birra dás.)

– Sámiráđđi

– Finnmárkku fylkkagielda

– Seastin-báŋku 1 Davvi-Norggas