Photo: Per Heimly
Anitta Suikkari
- 1956
- Neavttár
- Guovdageaidnu
Anitta Suikkari lea neavttár ja bagadalli. Sus lea gullevašvuohta Suoma beali Gárjilii, ja son orru Guovdageainnus. Anittas lea guhkes bargoduogáš neavttárin teáhter-, filbma- ja tv-buvttademiin. Son lea maid bargan bagadallin teáhter- ja lávdesuorggis ja dasa lassin tv:s ja rádios. Son lea vuostáiváldán máŋga bálkkašumi ja nominašuvnna, sihke persovnnalaš olahusain ja vuoiti buvttademiin mas lea leamaš oasálaš.
Oahpásmuva Anitta Suikkariin dán filmmaža bokte.
Ellisiv Lindkvist solo čájálmas JO BLANK, 2022. Govvideaddji: Aslak Mikal Mienna
Barggadettiin Dáiddadállu Suoidnekaboom čájálmasain, 2023. Govvideaddji: Jan Cato Nilut
«Mun lean hui čeavlái Dáiddadálu prošeavttain main lean oasálaš. Dat lea hástalan mu geahččalit eará dáiddasurggiid.»
Persovnnalaš olahusat:
- 2012 - nominerejuvvui jagis 2013 Hedda-bálkkašumis buoremus oalgerollaneavttárin Sirina rollas Rawdna Carita Eira teáhterčájálmasas Silbajávri. Bagadalli: Haukur Gunnarson. Beaivváš Sámi Našunálateáhter.
- 2004 - nominerejuvvui jagis 2004 Amanda-bálkkašumis nissonneavttárin Susanna rollain Bázo guhkesfilmmas. Bagadalli: Lars Gøran Pettersson. Buvt.: Filbmagoahti, Zentropa, Filmpool Nord. Filbma maid nominerejuvvui jagi filbman 2004:s.
Anitta lea bargan máŋggain solo teáhterčájálmasain. Ellisiv Lindqvista čájálmas JO BLANK (2022) lea okta dain. Čájálmasa bagadalli lei Mette Brantzeg. Dasa lassin lea son oassálastán máŋgga dáiddaprošektii Dáiddadálu bokte.
«Barggadettiin lávdedáidagiin oidno dávjá dušše barggu boađus iige dat oppas man čađa lea rahčamiin gállán. Garrudeapmi sáhttá gullot ja soames suoskangumme ja pastilla gollat ovdal go geargá.»
"Ulvemakt i Fosen 2022". Govva: Ánne Kátjá Gaup
Eallogierdu - The Tundra within me guhkesfilbma lea ođđaseamos filbma mainna Anitta lea bargan. Filmma lea Sara Margethe Oskal bagadallan ja filbma almmuhuvvui 2024:s. Filbma čájehuvvui vuosttaš gearddi Toronto riikkaidgaskasaš filbmafestiválas 2023:s.
Anitta lea orron ja bargan Sámis 1988 rájes. Dan rájes lea son oahpahallan sámegiela ja kultuvrra. Neavttára deháleamos reaidu lea earet eará dáidu máhttit empatiseret. Empatiija mearkkaša ge máhttit iežas bidjat eará olbmo sadjái ja dovdat su dovdduid. Dainna lágiin sáhtát šaddat sámi áššiid gaskkustangaskaoapmin.
Anitta Suikkari, Perfomance og rominstallasjon KLIMATERRA 2022
Govva: Dine Arnannguaq Fenger Lynge
«Mun lean ealljáris neavttár guhte muhtomin sáhtán eardut.»