Photo: Per Heimly
Anthoni Hætta
- 1993
- Musihkkár
- Guovdageaidnu
Anthoni Hætta lea pianočuojaheaddji ja musihkkár Guovdageainnus eret. Son lea gazzan rytmmálaš musihkkaoahpu Agdera universitehtas, gos son orui golbma jagi ja barggai Sámi musihkain ja kultuvrrain. Studeredettiin son ovdánahtii čáffadis ja lyrihkalaš čuojahanvuogi ja maiddái su beroštumi elektruvnnalaš musihkkii Ableton musihkkagálvofitnodaga bokte.
Oahpásmuva Anthoni Hættai dán filmmaža bokte.
2017 geasi lei Anthoni okta 42 dáiddáris gean válljejedje čájehit dáidagiiddiset Generation 2017 nammasaš čájáhusas Amos Anderson dáiddamuseas Helssegis, gos čájehedje badjelaš 1200 dáiddabuktaga. Anthoni komponerejuvvon pianobihttá, maid lei gohčodan Ø. čájehuvvui dán čájáhusas. Dan maŋŋil beasai son čuojahit golbma áibbas dievva solo konseartta Kamppi Kappelis guovdu Helssega, Helsinki Night of the Arts dáhpáhusas. Ø. konsearta čájehuvvui maid Jyväskylä dáidda museas Generation čájáhusa oktavuođas, musea 20 jagi ávvudeamis.
Anthoni lea leamaš mielde álggaheamen Lounge Sápmi - live konseaptta Guovdageainnus, gos artisttat sáhttet doallat konsearttažiid ja lágidit jam bottuid. Lounge Sápmi ulbmil lea hukset alkoholkeahtes birrasa gos musihkkárat ja musihkkaberošteaddjit buot agiin besset ovdanbuktit iežaset dáidaga.
2019 Anthoni searvvai mielbuvttadeaddjin SGP Cover musihkkaprošektii, mas buvttadeaddjit galge ođasmahttit ovddeš Sámi Grand Prix lávlagiid. Lávlagat ovdanbuktojuvvojedje Sámi beassáš festivála Sámi Grand Prixas ja lávlla Mu ustit almmuhuvvui čakčamánu 27.b. 2019.
Oktavuođa dieđut
E-boasta: anthoni.haetta@gmail.com