Govveajeaddji: Árvu
Elle Márjá Eira
- 1983
- Surggiidrasttideaddji dáiddár
- Guovdageaidnu
Elle Márjá Eira lea bagadalli, artista, komponista ja buvttadeaddji. Son lea bajásšaddan Mázes ja Guovdageainnus, Davvi-Norggas. Su bearaš lea boazodoalus ja gullá D-26 Lákkonjárgga orohahkii. Son orru Guovdageainnus.
Govvejeaddji: Ánne Kátjá Gaup
Elle Márjá lea čállán, bagadallan ja buvttadan máŋga oanehisfilmma (dokumentára ja fikšuvnna) ja musihkkavideoid. Son lea okta máŋgga bagadallis POWER PLAY tv-ráiddus (NRK, 2023), mii lea vuoitán bálkkašumiid (guokte vuoittu Canneseries 2023:s, earret eará buoremus ráidun). Juste dál son lea ovdánahttimin dokumentára KEVISELIE ja aiddo gárven STOLEN (Netflix Original buvttadeapmi, almmuhuvvo 2024:s) loahppabuvttadeami, mii lei su vuosttaš guhkesfilbma bagadallin. Elle Márjá lea maid olu bargan VR:in, man oassin lei VR 360-filbma EALLU, Árran 360 - Sámi paviljongas 2022 Venezia Biennales
Ann Helen Laestadiusa romána šaddá Netflix filbman
Elle Márjá Eira bagadallá Netflix Stolen filmma mii ilbmá 2024.
«Muitaleapmi mearkkaša gávdnat iežas jiena ja váibmoáššiid maid háliidat muitalit. Niegut leat fascineren mu unnivuođa rájes. Jurdagat mat bohciidit oaivvis sáhttet duddjot olles univearssa niegus. Go morihat, de orru visot nu duohta maid vásihit niegus.»
Govvejeaddji: Ánne Kátjá Gaup
2005 rájes lea Elle Márjá maid johtán olgoriikkain artistan musihkainis. Son lea ráhkadan filbmamusihka iežas filbmaprošeavttaide ja maiddái eará filmmaide main lea ovttasbargan eará musihkkadahkkiiguin. Elle Márjá lea ovttasbargan musihkkadahkkiin Christoph Beckiin, go bijai luđiid Den 12. mannen (2017) filbmii, Harald Zwart bagadallamiin. Son maiddái ovttasbarggai musihkálalaččat John Paul Jonesiin (Led Zeppelin) ja Lucy Parnelliin (Daughter) Snoweye joavkkus.
BÁLKKAŠUMIT
2018 GramArt-stipeanda
2015 Arctic Talent Music-bálkkašupmi, Várjjatfestiválas
«Musihka dáfus liikon improviseret sihke studios ja lávddis. Mu konsearttat eai leat goassege ovttaláganat.»
Govvejeaddji: Mads Suhr Pettersen
«Mun ovttasbarggan dávjá iežan bearrašiin ja fátmmastan sin eanaš bargguin.»
Boazodoallu, luondu, luohti ja oktavuođat leat váibmofáttát Elle Márjjá dáidágis. Sutnje lea maid dehálaš guorahallat sámi historjjá. Su áŋggaštus filbmabuvttadeapmái lea álgán juo mánnávuođa rájes, dalle go du eatnis lei filbmenkámera. Gávccijahkásažžan juo geahččaladdagođii filbmenkámerain. Elle Márjá ráhkada persovnnalaš filmmaid ja mihttun lea gávdnat esseanssa dihto áiggis ja eallimis.
Govvejeaddji: Ken Are Bongo
Govvejeaddji: Roger Hennum
Elle Márjjá bealis mannet filbma ja musihkka buohtalaga. Su musihka ja filmmaid bokte son ii dušše geavat melankoliija integrerejuvvon fápmun, muhto ovdanbuktá maid sámegiela, luođi, árbevieruid, kultuvrra ja garra višuvnna dekoloniseremis. Maŋemuš 15 jagi lea Elle Márjá ráhkadan iešguđetge filmmaid boazodoalus, nugo visuála filmmaid iežas konsearttaide, oanehisfilmmaide (fikšuvdna ja dokumentára), VR 360 ja guhkes filmmaide. Dan rájes go bagadallagođii filmmaid lea maid eambbo ja eambbo ráhkadišgoahtán filbmamusihka. Luohti lea leamaš vuođđun eanaš bargguin, sihke árbevirolaš, sesolaš ja improvisašuvnnalaš.
Áigeguovdilis filbma ja TV bargguid birra
Geahča Elle Márjjá bargguid su IMDb siiddus.