Photo: Per Heimly
Hilde Skancke Pedersen
- 1953
- Dáiddár
- Guovdageaidnu
Hilde Skancke Pedersen lea riegádan Hámmárfeasttas ja orru Guovdageainnus. Son lea oahpu gazzan dáiddaallaskuvllas Oslos ja Romssa universitehta girječállinoahpu 1. ja 2. oasis. Su váldofokusis lea visuálalaš dáidda ja dáiddafilmmat, muhto bargá maiddái lávdeteavsttaiguin ja poesiijain, ja lávdehábmejeaddjin ja bivttashábmejeaddjin teáhterii ja dánsumii. Barggadettiin buktagiiguin buot daid surggiid siskkobealde váikkuhuvvo son eallimis Finnmárkkus ja muđuige Sámis. Kultuvra, luondu, dálkkádat ja biras dáppe ilbmet idean ja impulsan ovttaskas dáiddabuktagiin.
Oahpásmuva Hilde Skancke Pedersenain dán filmmaža bokte.
Govvadáiddárin meroštallojuvvojit Hilde guovttebealat buktagat Norgga Sámedikki dievasčoahkkinlanjas ja boađáhagas su váldobuvttan. Sus leat leamaš hui ollu soločájáhusat ja lea oassálastán ollu joavkočájáhusain sihke sis- ja olgoriikkas. Kuráhtorin lea son bargan dáidagiiguin čájáhusaide, almmolaš lanjaide ja museaide. Hilde bargá dávjá surggiidrasttildeaddjin duovdagis govvadáidaga ja lávdedáidaga gaskkas, man boađusin šaddet iešguđetlágan gaskkusteamit performance-suorggi siskkobealde. Son lea leamaš searvvis performancejoavkkuin Göteborgas Ruoŧas ja Guovdageainnus, ja lea čájehan solo-performance New Yorkas.
Hildes leat leamaš máŋga luohttámusdoaimma sihke Sámi ja Norgga dáiddaorganisašuvnnas, ja lea ovdaolmmoš Sámi dáiddaguovddáža stivrras. Son lea maid Dáiddadálu dáiddárguoibmi.
Govvejeaddji: Hilde Skancke Pedersen
Govvejeaddji: Per Heimly.
Govvejeaddji: Jil-Katharina Hinzmann
Hilde erenoamáš lávdehábmenattáldat lei oaidnimis Áillohaš/ Nils-Aslak Valkeapää čájáhusas Henie Onstad dáiddaguovddážis 2020 – 2021:s, go son ođđasit ráhkadii lávdehámi mii lei Áillohačča poesiijakonsearttas jagi 1991 Festspillene i Nord-Norges. Hilde lei searvvis čájáhusas Høstutstillingen 2023, ja čájáhusas «Sensing nature from within», Moderna Museetis 2019-2020, lea ovddastuvvon Nasjonalmuseeta rahpančájáhusas «Jeg kaller det kunst» ja galgá ovddastuvvot Kochi-Muziris Biennales 2022-2023 Indias.
Su dáidagiid leat háhkan earret eará Norgga sámediggi ja Norgga nášunála musea.