Roger Ludvigsen
- 1965
- Musihkkár
- Guovdageaidnu
Roger Ludvigsen lea okta Sámi deháleamos musihkkár ja šuokŋadahkki. Son lea dovddus sihke Sámis ja olggobeale Sámi, ja lea ovttasbargan máŋggain beakkán Sámi ja eará artisttaiguin nugo Mari Boine, Iŋgá Juuso, Niilas Holmberg, Anneli Drecker, Nils Petter Molvær ja Sidsel Endresen. Son lea dahkan šuoŋaid máŋgga guhkesfilbmii ja teáhterčájálmassii. Roger lea maid leamaš buvttadeaddji Muitte mu NRK tv-ráiddus, ja dasa lassin čuojaheaddjin leamaš Sápmi Sessions TV-ráiddus.
Oahpásmuva Roger Ludvigsenii dán filmmaža bokte.
Govven: Per Heimly
Govven: Per Heimly
Roger lea vuoitán máŋga bálkašumi bargoeallimistis, nugo golbma Spelleman bálkášumi fárrolaga Mari Boiniin, Jagi buvttadeaddji 2018 Sámi music awardsas ja Audiolandas ja Nordlys bálkášumi 2019. Son lea maid čuojahan máŋgga Nobelbálkášumi juohkimis ja Ruvdnoprinsa bára vihaheamis 2001. Dál Roger bargá earret eará teáhterprošeavttaiguin.