Govvejeaddji: Per Heimly
Sarakka Gaup
- 1991
- Neavttár
- Oslo, Norway
Sarakka Gaup dahje Eallána Bireha Áillu Sarakka lea neavttár ja su ruovttubáikkit leat Oslo ja Guovdageaidnu. Lávdedáiddárin leat sus ollu váibmoáššit, ja liiko buoremusat go beassá máŋggabealat bargguid bargat; sihke fáttá, geografiija ja čájeheami dáfus. Goitge loaktá buoremusat go beassá bargat sámi oktavuođain; sámegielain, -politihkain ja -neavttáriiguin.
Oahpásmuva Sarakka Gaupii dán filmmaža bokte.
Sarakka Gaup lea oahppan neavttárin Oslo dáiddaallaskuvllas (ovdalaš Statens Teaterhøgskole). Sarakka lea 2023 rájes leamaš virgáduvvon Det Norske Teateris. Sus lea bargovásáhus Sámi Našunálateáhter Beaivvášis, Hålogaland Teateris, Giron Sámi teáhteris ja Riksteatern i Sverige, Kloden Teateris, Kultuvrralaš skuvlalávka doaimmas. Dasa lassin leat Sarakkas vásáhusat filmmain, tv-ráidduin, dubbemis, divttain ja poesiijas, ja friddja lávdedáiddasuorggis.
Sutnje leat juolluduvvon stipeanddat earret eará Sámedikki dáidda- ja kulturstipeanda ja Sparebank1 Nord-Norges Talentstipend. Sarakka lea maid čalmmustahttojuvvon Riddu riđu eamiálbmotfestivála Dán jagi nuorra dáiddárin.
Riksteatern, Govvejeaddji: Carl Thorborg
Kirsebærhagen, Govvejeaddji: Håvard Andreas Krogstad
Luohkkágovva, KHiO, Govvejeaddji: Johannes Laukeland Fester Sunde
Govvejeaddji: Erik Berg
«Ollu buvttademiin main lean leamaš searvvis lea sápmelašvuohta leamaš dehálaš buvttadahkki, go lean bargan sámegillii, sámi ásahusain, sámi fáttáiguin. Dat leat mu váibmoáššit, main dovddan ahte máŋggaid máilmmiid buoremus oasit besset gávnnadit. Dalle dovddan ahte lea mávssolaš leat neavttár.»
Neavttárin lea Sarakka instrumeanta earet eará su rumaš, giella, vásáhusat, jietna. Ja das lea áibbas lunddolaččat su sápmelašidentitehta. Danin, go lea son, de lea su ámmáhis sámi perspektiiva dušše danin go son doaimmaha dan. Goitge lea maid “dušše” neavttár, ja iige álo nu beroštuvvon definerejuvvot “sámi neavttárin”.
Iđitsilba trailer. Filbmadahkki: Elle Márjá Eira.
«Mun giitán teáhtera, erenoamážit Sámi našunálateáhtera Beaivváš, go ohppen sámegiela. Lean agálaččat giitevaš go bessen stoahkama, lávdebarggu ja hávskes mielneavttáriid bokte máhcahit gollegiela, bargobáikkis maid áhččán lei fárus vuođđudeame.»